Azərbaycan Respublikasının Prezidenti yanında
Qeyri-Hökumət Təşkilatlarına Dövlət Dəstəyi Şurasının
Elektron xidmətləri
Xəbərlər
1672 - Qaynar Xətt - QHT-lərin təklif və şikayətlərinin qəbulu üçün daxili nəzarət və qiymətləndirmə xidməti
25 Aprel 2017 10 : 00
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının QHT-lərin təklif və şikayətlərinin qəbulu üçün daxili nəzarət və qiymətləndirmə xidməti olaraq 1672 nömrəli qaynar xətti fəaliyyətə başlayıb.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 1672 nömrəli qaynar xətti fəaliyyətə başlayıb.
Qaynar Xəttə sabit şəbəkə telefonlarından və mobil operatorlardan zəng etmək mümkündür. Qeyd edək ki, 2016-ci ilin noyabrında Şura həyata keçirdiyi xidmətlərlə əlaqədar Açıq Hökumətin Təşviqi üzrə Milli Fəaliyyət Planının 4.1.2. və 4.2.3 bəndlərinə uyğun olaraq fəaliyyətində effektivliyi, şəffaflığı, hesabatlılığı və aşkarlığı daha da artırmaq məqsədi ilə QHT-lərin təklif və şikayətlərinin qəbulu üçün daxili nəzarət və qiymətləndirmə xidməti yaradıb. Şuraya şikayət ünvanlayan bütün şəxslərin hüquqları Azərbaycan Respublikasının qanunvericiliyinə müvafiq olaraq qorunacaq. Bütün şikayət və təkliflər Şuranın müvafiq xidmətinin məsul şəxsi tərəfindən araşdırılaraq rəhbərliyə məruzə ediləcək və müvafiq qərarlar qəbul olunacaq. QHT-lər hüquqpozma halları ilə bağlı təklif və şikayətlərini qaynar xəttlə yanaşı, Şuranın www.e-qht.az və www.cssn.gov.az saytlarındakı elektron müraciət bölməsinə də göndərə bilərlər.
Şuranın daxili nəzarət və qiymətləndirmə üzrə əlaqələndiricisi Nədimə Rəhimlidir. Email: nadima.cssn@gmail.com; (+994) 77 497 15 91
Şuranın sənədləri
Hüquqi
Metodiki